نیو یارک/ تہران (اے ایف بی) ایران نے جنگ بندی کیلئے 10 نکاتی شرائط میں حملوں اور پابندیوں کے خاتمے کا مطالبہ کردیا۔ نیو یارک ٹائمز کے مطابق امریکی صدر ڈونلڈ ٹرمپ کی نئے حملوں کی ڈیڈ لائن ختم ہونے سے پہلے ایران نے پاکستانی ثالثوں کے ذریعے اپنی شرائط سے آگاہ کردیا، ایران نے امریکہ اور اسرائیل کے ساتھ جنگ کے خاتمے کے لیے 10 نکاتی تجاویز پیش کی ہیں، یہ منصوبہ پاکستان کی طرف سے بتایا گیا تھا جو اس تنازعہ میں ایک بنیادی ثالث کے طور پر کام کر رہا ہے۔دو سینئر ایرانی عہدیداروں نے نام ظاہر نہ کرنے کی شرط پر حساس مذاکرات پر بات کرتے ہوئے کہا کہ اس تجویز میں یہ گارنٹی شامل ہے کہ ایران پر دوبارہ حملہ نہیں کیا جائے گا، لبنان میں حزب اللہ کے خلاف اسرائیلی حملوں کا خاتمہ اور تمام پابندیاں ہٹا دی جائیں، بدلے میں ایران آبنائے ہرمز کے ذریعے اہم جہاز رانی کے راستے کی اپنی ڈی فیکٹو ناکہ بندی اٹھا لے گا، ایران ہر جہاز پر تقریباً 2 ملین ڈالر کی فیس بھی عائد کرے گا جسے وہ آبنائے عمان کے ساتھ الگ کر دے گا۔منصوبے میں بتایا گیا ہے کہ ایران براہ راست معاوضے کا مطالبہ کرنے کی بجائے امریکی اور اسرائیلی حملوں سے تباہ ہونے والے بنیادی ڈھانچے کی تعمیر نو کے لیے حاصل ہونے والی آمدنی میں سے اپنا حصہ استعمال کرے گا، ایران سے متعلق تازہ ترین تجاویز کے بارے میں پوچھے جانے پر صدر ٹرمپ نے کہا کہ ’یہ ایک اہم تجویز ہے، یہ کافی اچھا نہیں ہے لیکن یہ ایک بہت اہم قدم ہے‘۔
Load/Hide Comments
Business
Show Biz